Transcription
1
Monsieur, la presente sera sil vous plaict pour me tenir en votre
2
bonne souvenance et vous dire que jey esté bien marry
3
du mauvais temps quavons heu qui nous a gardé de vous
4
voir et madame de Gordes, mais jespère que se sera
5
au premier beau temps et vous asseurens que javois
6
heu le plus aspre froyt avec beaucoup de nège
7
que je vit jamais, sy bien que le Rosne se passoyt
8
à La Voulte et aultres lieux sus la glace. Vendredy
9
dernier, monsieur le conte de Ventadour heust une
10
grand alarme. Pensant que ceulx de Pryvas voulussent
11
surprendre sa ville et que ceulx du lieu leussent
12
vendue, il fust tout le long du jour et la nuyt
13
en armes et gecta tous les huguenaulx du lieu dehors.
14
Mais dans deux jours ilz en sont tous retournés de
15
quoy il y a bon nombre. Je pris Dieu que veulle tout
16
conduyre et vous puys dire que, Dieu mercy, pour
17
le present personne ne faict semblant de bouger.
18
Lon ma escript de la court que huict jours devant
19
Nohel le roy estant à Sainct Germain en Laye
20
ala aux toylles où il y avoyt une senglier qui
21
voulust faire mourir à coup despée et entre ses
22
entrefaicts ung gentilhomme pensant donner au
23
senglier, donna un coup despée au bras du roy.
24
Dieu graces il se porte bien et ne laissa de venir
25
[21v°] à Parys. Lon tient certain que bien tost après la
26
Chandelleure, Monsieur achemynera son armée droict à La
27
Rochelle. Monsieur le mareschal de Montmorancy, de
28
Mehru, de Toré sont à Chantilly, Dieu mercy tous en
29
bonne sancté ; que sera la fin après vous avoir
30
supplié me commander votre vouloyr pour icelluy toute
31
ma vie a complir daussy bon cueur que me
32
recommande très humblement à votre bonne grace. Priant
33
Dieu,
34
monsieur, qui vous ayt en sa garde. De votre maison
35
de Montoyson, ce VIIme de janvyer 1573.
36
Votre très humble et aubeissant
37
serviteur
38
Montoyson.